ഗീതഗോവിന്ദം/അഷ്ടപദി 14
വിക്കിഗ്രന്ഥശാല സംരംഭത്തില്‍ നിന്ന്

അഷ്ടപദി - പതിനാല്

സ്മരസമരോചിത വിരചിതവേഷാ

ഗളിതകുസുമഭരവിലുളിതകേശാ

കാപി മധുരിപുണാ വിലസതി യുവതിരധികഗുണാ

ഹരിപരിരംഭണ ചലിതവികാരാ

കുചകലശോപരി തരളിതഹാരാ

വിചലദളകലളിതാനന ചന്ദ്രാ

തദധരപാന രഭസകൃതതന്ദ്രാ

ചഞ്ചലകുണ്ഡല ലളിതകപോലാ

മുഖരിതരശന ജഘനഗതിലോലാ

ദയിതവിലോകിത ലജ്ജിതഹസിതാ

ബഹുവിധ കൂജിത രതിരസരസിതാ

വിപുലപുളകപൃഥു വേപഥുഭംഗാ

ശ്വസിതനിമീലിത വികസദനംഗാ

ശ്രമജലകണഭര സുഭഗശരീരാ

പരിപതിതോരസി രതിരണധീരാ

ശ്രീജയദേവഭണിതഹരിരമിതം

കലികലുഷം ജനയതു പരിശമിതം


ശ്ലോകം - നാല്‍പ്പത്തിയൊമ്പത്

വിരഹപാണ്ഡു മുരാരിമുഖാംബുജ

ദ്യുതിരിയം തിരയന്നപി വേദനാം

വിധുരതീവ തനോതി മനോഭുവഃ

സുഹൃദ യേ ഹൃദയേ മദനവ്യഥാം.